ဆိုင်ကလုန်းဒုက္ခသည်များ ပိုမိုအန္တရာယ်ကျရောက်စေရန် စစ်စိုးရလုပ်ဆောင်။

မြန်မာစစ်အစိုးရသည် ကယ်ဆယ်ရေး အထောက်အကူများ ဒုက္ခသည်များထံ မရောက်စေရန် ဟန့်တားထားသကဲ့သို့ ဒုက္ခသည်စခန်းရှိ ဒုက္ခသည်များကို လည်း အတင်းအကျပ် မောင်းထုတ် နေသည်ဟု နိုင်ငံတကာ လွတ်ငြိမ်းချမ်းသာခွင့်အဖွဲ့က ပြောကြားသည်။“နအဖရဲ့ လူ့အခွင့်အရေး ချိုးဖောက်မှု မှတ်တမ်းရှည်ကြီးအရဆိုရင် လူသားချင်း စာနာထောက် ထားမှု အေဂျင်စီတွေအနေနဲ့ မိမိတို့ အကူအညီပေးမှုကို နအဖက လမ်းကြောင်းပြောင်းနေတာ၊ ပိတ်ဆို့နေတာတွေကို အထူးသတိပေးသင့်ပါတယ်” ဟု မုန်တိုင်းဒဏ်ခံရသည့် ဒေသများတွင် သတင်းအချက်အလက် များ စုဆောင်းရန် မြန်မာနိုင်ငံတွင်းရောက်ရှိခဲ့သည့် လွတ်ငြိမ်းချမ်းသာခွင့် အဖွဲ့မှ သုတေသနအရာရှိ ဘင်ဂျမင်ဇာဝတ်ကီးက ယမန်နေ့တွင် ထုတ်ဖော် ပြောကြားသည်။ ဘုန်းကြီးကျောင်းများ၊ စာသင်ကျောင်းများနှင့် အခြားနေရာများတွင် ခိုလှုံနေထိုင်နေကြသည့် ဒုက္ခသည်များသည် အတင်းအကျပ် နေရာရွှေ့ပြောင်းမှုခံရသည်မှာ အကြိမ် (၃၀) ကျော် ရှိပြီ ဖြစ်ကြောင်း သုတေသနပြုချက်များကို ကိုးကားပြီး နိုင်ငံတကာ လွတ်ငြိမ်းချမ်းသာခွင့်အဖွဲ့မှ အစီရင်ခံစာ ထုတ်ပြန်သည်။ လွန်ခဲ့သည့်နှစ်ပတ်အတွင်း နေရာပြောင်းရွှေ့မှုများကို ပိုမိုစနစ်တကျနှင့် ကျယ်ကျယ်ပြန့်ပြန့် ပြုလုပ်လာကြောင်း၊ နေစရာ မရှိ၍ မြောင်းမြ၊ မအူပင်၊ ဖျာပုံနှင့် လပွတ္တာ မြို့များသို့ လာရောက် ခိုလှုံနေကြသည့် ဒုက္ခသည်များကို အစိုးရအာဏာပိုင်များက အတင်းအကျပ် ကိုယ့်ရပ်ကိုယ့်ရွာ ပြန်ခိုင်းခဲ့ကြောင်းလည်း အစီရင်ခံစာတွင် ပါရိ်ှသည်။ ထို့ပြင် ဖျာပုံမြို့တွင် ဒုက္ခသည်စခန်း (၄၅) ခု ရှိခဲ့ရာ မေ (၂၈) ရက်တွင် စခန်း (၃) ခုသာ ကျန်ရှိ တော့ကြောင်း၊ မေ (၂၃) ရက်တွင် ဒဂုံမြို့သစ်မြောက်ပိုင်း ရွှေပေါက်ကံရှိ တရားဝင်ဒုက္ခသည် စခန်းမှ ဒုက္ခသည် (၃၀၀၀) နှင့် ဒလမြို့နယ် အထက (၂) ရှိ တရားမ၀င်ဒုက္ခသည်စခန်းမှ လေဘေးဒုက္ခသည်များကို အတင်းအကျပ် ဖယ်ရှားပစ်ခဲ့ကြောင်းလည်း ဖော်ပြထားသည်။
လူ့အခွင့်အရေး ချိုးဖောက်မှုများတွင် ထောက်ပံ့ပစ္စည်းများကို အလွဲသုံးစားလုပ်ခြင်း၊ ထိန်းသိမ်း ထားခြင်းများလည်း ပါဝင်သည်။ ထောက်ပံ့ပစ္စည်း များကို မုန်တိုင်းဒုက္ခသည်များထံ လွှဲမပေးဘဲ အစိုးရအရာရှိများက ထိန်းသိမ်းထားခြင်း၊ လမ်းကြောင်းပြောင်းခြင်း၊ ထိန်ချန်ထားခြင်းတို့နှင့် ပတ်သက်၍ တိုင်ကြားမှု(၄၀)ကို နိုင်ငံတကာ လွတ်ငြိမ်းချမ်းသာခွင့်အဖွဲ့မှ လက်ခံရရှိသည်ဟု ဆိုသည်။ ထိုကဲ့သို့ နအဖ အရာရှိကြီးများက မဟုတ်မဟတ် လုပ်ဆောင်နေမှုများနှင့် ပတ်သက်၍ တိုင်ကြား အစီရင်ခံမှုများ ရှိနေသော်လည်း ဒေသခံအရာရှိများအနေဖြင့် အပြစ်ပေးခြင်းမခံရကြောင်း၊ ဥပမာ ဆိုရလျှင် မေ (၂၆)ရက်၌ ရဲမှူး ဦးလူဝင်းသည် လှိုင်သာယာမြို့နယ်၊ ပန်းလှိုင်တံတားပေါ် တွင် မြန်မာပုဂ္ဂလိက အလှူရှင်များ၏ လေဘေးအလှူ ပစ္စည်းများ တင်ဆောင်လာသည့် ထရပ်ကား (၄၈)စီးကို ဖမ်းဆီးခဲ့ကြောင်း မျက်မြင်သက်သေ၏ပြောဆိုချက်ကို လက်ခံရရှိထားကြောင်း၊ အဆိုပါကား များကိုဇွန်လ (၁) ရက်နေ့အထိ ပြန်လွှတ်ပေးခြင်းမရှိကြောင်း စသဖြင့် နိုင်ငံတကာ လွတ်ငြိမ်းချမ်းသာခွင့်အဖွဲ့က ဖော်ပြထားသည်။ ။